ភ្នំពេញ: នៅថ្ងៃចន្ទ ទី២១ ខែមិថុនា ឆ្នាំ២០២១ ក្រសួងសុខាភិបាលបានប្រកាសហាមឃាត់ការចែកចាយលក់ និងធ្វើតេស្តរហ័សរកអង់ទីគ័រការពារជំងឺកូវីដ-១៩ ដែលគ្មានលេខបញ្ជីកា និងគ្មានការទទួលស្គាល់ពីក្រសួង។

ក្រសួងសុខាភិបាលបានបន្តថាមានគណនីហ្វេសប៊ុកចំនួន៤ គឺ ១, បងប្រុសទីពីរ  ២, Leng Kuchnika Pol ៣, Srey Nit ៤, TMS-Trust Medical Services បាននិងកំពុងផ្សព្វផ្សាយលក់តេស្ដរហ័សរកអង់ទីគ័រការពារជំងឺកូវីដ-១៩ គ្មានលេខបញ្ជីកា នឹងពុំមានការទទួលស្គាល់ពីក្រសួងសុខាភិបាល និងក៏មានសេវាសុខាភិបាលឯកជនមួយចំនួនទៀត ក៏កំពុងយកឧបករណ៍ទាំងនេះទៅធ្វើតេស្តជូនប្រជាពលរដ្ឋយ៉ាងអនាធិបតេយ្យ។

ក្រសួងសុខាភិបាលបានបញ្ជាក់ថាតេស្តរហ័សរកអង់ទីគ័រការពារជំងឺកូវីដ-១៩ ដែលកំពុងចរាចរខាងលើនេះគឺពុំមានការចុះបញ្ជីកាពីក្រសួងសុខាភិបាលនៅឡើយ ហើយក៏ពុំទាន់មានការទទួលស្គាល់ពីអង្គការសុខភាពពិភពលោក (WHO) នៅឡើយដែរហើយលទ្ធផលដែលបានមកពីការប្រើប្រាស់តេស្តទាំងនេះ គឺមិនអាចជឿជាក់បានឡើយ។

ក្រសួងសុខាភិបាលបានន្ថែមថានឹងមានវិធានការយ៉ាងតឹងរឹងបំផុតចំពោះសេវាសុខាភិបាលឯកជនណាដែលនៅតែឆ្លៀតឲ្យកាសប្រើប្រាស់ឧបករណ៍តេស្តរហ័សរកអង់ទីគ័រការពារជំងឺកូវីដ-១៩ ដែលគ្មានលេខបញ្ជីកា និងគ្មានការទទួលស្គាល់ពីក្រសួង៕